شباب بلا كرامة

بعض الشباب لا عندهم ذرة كرامة ولا إحترام ولا دين ... تخيل معايا شاب شكله راجل واسمه مسلم ، لكن تلاقي بيقبل عادي إنه يتشتم بأقذر الألفاظ وتتشتم أمه وأبوه عادي ، و واحد صاحبه يسب ويلعن دينه ودين أبوه ، كل دا تحت مسمى الهزار ، هزار إيه دا ... هو أنت ما عندكش ذرة كرامة ولا دين.

هو انت ما عندكش حاجة غالية عليك ليها شرف وكرامة تخليك تحافظ عليها ... لو كل دول بيتشتموا عادي ... طيب إيه غالي عندك.

دينك اللي هو الإسلام دا أغلى شيء عندك ، ما تسمحش لحد أيا كان إنه يسبه أو يلعنه ، أبوك وأمك دول خط أحمر ، حتى في الجاهلية الكفار ما كنش حد يقبل بسب أبوه وأمه ، ثم كرامتك حافظ عليها من أي إهانة.

دمتم أصحاب كرامة.